கோல்கட்டா; கொரோனா தடுப்பூசி மருந்தை முதன் முதலாக மனிதர்களிடம் செலுத்தும் பரிசோதனைக்கு, மேற்கு வங்கத்தைச் சேர்ந்த, சிரஞ்சித் திபார் என்ற இளைஞர் தேர்வு செய்யப்பட்டுள்ளார்.
ஆசிரியர் பணியுடன், ஆர்.எஸ்.எஸ்., தொண்டராகவும் உள்ள இவர், கொரோனா தடுப்பூசி மருந்து கண்டுபிடிப்பு தொடர்பாக, 'பாரத் பயோடெக்' நிறுவனம் மேற்கொண்ட பல்வேறு பரிசோதனைகளில் பங்கேற்றுள்ளார்.
இந்நிலையில், கொரோனா வைரஸ் தடுப்பூசி மருந்தை, மனிதர்களிடம் செலுத்தி பரிசோதிக்கும் திட்டத்தில் பங்கேற்க, ஓரிரு தினங்களில் ஒடிசா செல்ல உள்ளார்.
இதை அவர், 'பேஸ்புக்'கில் தெரிவித்துள்ளார். அதில், 'ஆர்.எஸ்.எஸ்., கொள்கைகளில் ஈர்க்கப்பட்ட நான், கொரோனா தடுப்பூசி மருந்தை, மனித உடலில் செலுத்தும் பரிசோதனையில் பங்கேற்க உள்ளேன்.
இந்த நாட்டிற்காக என் உடலை தானம் செய்ய முடிவெடுத்துள்ளேன்' என, கூறியுள்ளார்.இவர், கடந்த ஏப்ரலில், 'தடுப்பூசி மருந்து பரிசோதனைக்கு தயார்' என, தெரிவித்திருந்தார்.
இதையடுத்து, அவரை பரிசோதனைக்கு வருமாறு, இந்திய மருத்துவ ஆராய்ச்சி கவுன்சில், அழைப்பு விடுத்துள்ளது.
இந்தியாவில், 'கோவாக்சின்' என்ற கொரோனா தடுப்பூசி மருந்தை, இந்திய மருத்துவ ஆராய்ச்சி கவுன்சிலுடன் இணைந்து, பாரத் பயோடெக் நிறுவனம் கண்டுபிடித்துள்ளது.அதுபோல, 'சைடஸ் கெடிலா' நிறுவனமும், 'சைகோவ் - டி' என்ற தடுப்பூசி மருந்தை உருவாக்கியுள்ளது.
இந்நிறுவனங்களின் தடுப்பூசியை, மனிதர்களிடம் செலுத்தி பரிசோதிக்க, இந்திய மருந்து கட்டுப்பாட்டு கழகம், மத்திய மருந்து தரக் கட்டுப்பாட்டு நிறுவனம் ஆகியவை அனுமதி வழங்கியுள்ளன.அத்துடன், பரிசோதனை மேற்கொள்ள, 12 மருத்துவ ஆய்வுக் கூடங்களுக்கும் அனுமதி வழங்கப்பட்டுஉள்ளது.
No comments:
Post a Comment
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.
1. இங்கு பதிவாகும் கருத்துக்கள் வாசகர்களின் சொந்த கருத்துக்களே.
2. கருத்தை நிராகரிக்கவோ, குறைக்கவோ, தணிக்கை செய்யவோ கல்விக்குரலுக்கு முழு உரிமை உண்டு.
3. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் நீக்கப்படும்.
4. இணையதள முகவரிகள், வலைப்பக்கங்களின் சுட்டிகளை இங்கே பதிவிட வேண்டாம் என வேண்டுகிறோம்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் வேண்டுகிறோம்-கல்விக்குரல்...