சென்னை : தமிழகத்தில் நான்கு நாட்களில் மட்டும் ஆபரண தங்கம் விலை
பவுனுக்கு 1208 ரூபாய் சரிந்துள்ளது. இதனையடுத்து பலரும் தங்க ஆபரணங்கள்
வாங்க ஆர்வம் காட்டி வருகின்றனர்.சர்வதேச நிலவரங்களால் திங்கள் முதல்
உள்நாட்டில் தங்கம் மற்றும் வெள்ளி விலை தொடர்ந்து குறைந்து வருகிறது.
அன்றைய தினம் தமிழகத்தில் 22 காரட் ஆபரண தங்கம் கிராம் 4915 ரூபாய்க்கும்;
பவுன் 39 ஆயிரத்து 320 ரூபாய்க்கும் விற்பனையாகின.பின் தொடர்ந்து குறைந்து
வந்த தங்கம் விலை நேற்று முன்தினம் கிராம் 4820 ரூபாய்க்கும்; பவுன் 38
ஆயிரத்து 560 ரூபாய்க்கும் விற்பனையாகின. கிராம் வெள்ளி 63.30 ரூபாயாக
இருந்தது.இந்நிலையில் நேற்று தங்கம் கிராமுக்கு 56 ரூபாய் குறைந்து 4764
ரூபாய்க்கும்; பவுனுக்கு 448 ரூபாய் சரிந்து 38 ஆயிரத்து 112 ரூபாய்க்கு
விற்பனையானது. வெள்ளி கிராமுக்கு 2.90 ரூபாய் குறைந்து 60.40 ரூபாய்க்கு
விற்பனை செய்யப்பட்டது. இதையடுத்து நான்கு நாட்களில் மட்டும் தங்கம்
கிராமுக்கு 151 ரூபாயும்; பவுனுக்கு 1208 ரூபாயும் சரிந்துள்ளது.
தங்கம் விலை குறைந்து வருவதால் பலரும் தங்க ஆபரணங்கள் வாங்க ஆர்வம் காட்டி வருகின்றனர்.
