தற்போதைய நிலையில், குழந்தைகளின் கல்வி, திருமணம், மருத்துவச் செலவுகள் போன்ற பல அத்தியாவசிய செலவுகளுக்கு மத்தியில் வீட்டுக்கடனுக்கான இ.எம்.ஐ செலுத்துவது பலருக்கு பெரும் சுமையாகத்தான் இருக்கிறது.
ஏனெனில், கொரோனா தொற்று ஏற்படுத்திய பெருளாதார பாதிப்பில் இருந்து பெரும்பாலானவர்கள் இன்னும் மீளவே இல்லை. வாடகை வீட்டில் குடியிருக்க முடியாமல், கடன் வாங்கி சொந்தவீட்டுக் கனவை நிறைவேற்றியவர்கள்கூட, வீட்டை விற்றுவிட்டு, மறுபடியும் வாடகை வீட்டுக்கே போய்விடலாமா என்றுகூட யோசிக்க ஆரம்பித்திருக்கிறார்கள்.
வீட்டுக்கடன்வீட்டுக் கடன் முன்பணம் திரட்டுவது எப்படி?ஆனால், வீட்டுக்கடனுக்கான இ.எம்.ஐ சுமையைக் குறைக்க ஒருசில வழிமுறைகள் இருக்கின்றன. அவற்றை இந்தக் கட்டுரையில் விளக்கமாக எடுத்துச் சொல்கிறார் ஓய்வுபெற்ற வங்கி மேலாளர் ஆர்.செல்வமணி.
``கடனைத் திருப்பிச்செலுத்துவதில் சரியான திட்டமிடல் இருந்தால், இ.எம்.ஐ சுமையாக இருக்காது. வீட்டுக் கடனைப் பொறுத்தவரை, எவ்வளவு வட்டி என்று ஆரம்பத்தில் கேட்கிறார்கள். பிற்பாடு அதைக் கண்டுகொள்வதே இல்லை.
சொந்த வீடுவீட்டுக் கடனை நிர்ணயிக்கும் கிரெடிட் ஸ்கோர்..!குறைந்தபட்சம் மூன்று மாதங்களுக்கு ஒருமுறை வட்டி விகிதம் எவ்வளவு என்பதைத் தெளிவாகக் கேட்டுத் தெரிந்துகொள்வது அவசியம். ரிசர்வ் வங்கியின் வழிகாட்டுதலின்படி, மூன்று மாதங்களுக்கு ஒரு முறை வங்கிகளில் வட்டி விகிதம் அதிகரிக்கலாம் அல்லது குறையலாம். வட்டி விகிதத்தில் ஏற்படும் மாறுதல்களுக்கேற்ப நாம் செலுத்த வேண்டிய இ.எம்.ஐ தொகையும் மாறுபடும்.
வட்டி விகிதம் குறையும் போதும் சில வங்கிகள் வாடிக்கையாளர்களுக்கான வட்டி விகிதத்தைக் குறைக்காமல், ஏற்கெனவே இருந்த வட்டி விகிதத்தின் அடிப்படையில் இ.எம்.ஐ தொகையை வாங்கும். ஆனால், வட்டி விகிதம் அதிகரிக்கும்போது மட்டும், செலுத்த வேண்டிய இ.எம்.ஐ தொகையை உடனடியாக அதிகப்படுத்தி வாங்கிவிடுவார்கள்.
பசுமை வீடுவீட்டுக் கடன் வட்டி வகைகள்... உங்களுக்கு ஏற்றது எது?இன்னும் சில வங்கிகள் வட்டி விகிதம் உயரும்போது, செலுத்த வேண்டிய இ.எம்.ஐ தொகையை அதிகரிக்காமல், இ.எம்.ஐ செலுத்த வேண்டிய காலத்தை அதிகரித்துவிடுவார்கள். இதனால் நாம் செலுத்த வேண்டிய மொத்தத் தொகை அதிகரிக்கும். எனவே, மூன்று மாதங்களுக்கு ஒருமுறையாவது வங்கி வட்டி விகிதம் அதிகரித்துள்ளதா, குறைந்துள்ளதா என்பதைத் தெரிந்து கொள்வது அவசியம்.
இதன்மூலம் உங்களின் வீட்டுக் கடனை நீங்கள் திட்டமிட்டபடிச் செலுத்த முடியும். வட்டி விகிதம் குறையும்போது உங்களின் இ.எம்.ஐ சுமையும் இயல்பாகவே குறையும். வீட்டுக் கடன் வட்டியைப் பொறுத்தவரை, ஃப்ளோட்டிங் ரேட்டையே பலரும் தேர்வு செய்ய விரும்புகிறார்கள். இதன் அடிப்படையில் வீட்டுக் கடன் வாங்கினால், கடன்களுக்கான வட்டி குறையும்போது கட்ட வேண்டிய இ.எம்.ஐ தொகையும் குறையும்.
வீடு வீட்டுக் கடன் கட்டணங்களில் கட்டாயம் கவனம் வையுங்கள்..!வீட்டுக் கடன் வாங்குபவர்கள், முதலில் எந்த வங்கியில் வட்டி விகிதம் குறைவாக உள்ளது என்பதை மற்ற வங்கிகளுடன் ஒப்பிட்டுப் பாருங்கள். இரண்டு வங்கிகள் ஒரே மாதிரியான வட்டி விகிதத்தில் வீட்டுக் கடன் தருகிறார்கள் எனில், பிராசஸிங் கட்டணம், டாக்குமென்டேஷன் கட்டணம், லைஃப் இன்ஷூரன்ஸ், லீகல் ஒப்பீனியன் பெறுவதற்கான புரஃபஷனல் கட்டணம் எவ்வளவு என்பதைப் பார்த்து, அதன்பிறகே வங்கிக்கடனைப் பெறுங்கள்'' என்றவர், இ.எம்.ஐ சுமையைக் குறைப்பதற்கான வழிகளைச் சொன்னார்.
``வீட்டுக்கடன் வாங்கும்போது உங்கள் மாத வருவாயை அடிப்படையாகக் கொண்டுதான் உங்களின் மாதத்தவணை தொகையை வங்கிகள் தீர்மானிக்கும். வீட்டுக்கடன் வாங்கும்போது கடனைச் செலுத்தும் காலத்தை நீண்ட காலமாகத் தேர்வுசெய்து, மாதத் தவணை குறைவாக இருக்கும்படி திட்டமிட்டுக்கொள்ளுங்கள். குடும்ப வருமானம் அதிகமாக இருக்கும்பட்சத்தில் குறுகிய காலத்தைத் தேர்வுசெய்யலாம். நடுத்தர வர்க்கத்தினர் நீண்ட காலத்தைத் தேர்வுசெய்து, மாதத் தவணையைக் குறைவாக வைத்துக்கொள்வது நல்லது.
வீடு, மனை வீட்டுக் கடனுக்கு விண்ணப்பம் செய்வதில் உள்ள நான்கு நிலைகள்..!சில நேரங்களில் நம்முடைய முதலீடுகளின் மூலம் கிடைக்கும் தொகை அல்லது வேறு தொகையை மொத்தமாக `ப்ரீபேமன்டாகக் கட்டலாம். இந்தத் தொகையை வங்கி அசலில் கழித்துக்கொள்ளும். அதனால் இ.எம்.ஐ தானாகக் குறையும். `ப்ரீபேமன்ட்' தொகை என்பது லட்சத்தில்தான் இருக்க வேண்டும் என்று எந்த அவசியமும் இல்லை. ஆயிரங்களிலும் இருக்கலாம்.
உங்களின் தேவைக்குப்போக அதிகமாக உள்ள வங்கி வைப்பு நிதி, அஞ்சலகச் சேமிப்புகள் என உங்களின் முதலீடுகளில் பெரிய அளவு லாபம் தராத ஏதேனும் ஒன்றை முதலீட்டு பட்டியலிலிருந்து நீக்கலாம். அந்த முதலீட்டிலிருந்து எடுத்த தொகையை மொத்தமாக வீட்டுக் கடனுக்காகச் செலுத்தினால் இ.எம்.ஐ தொகை குறையும்'' என்றார்.
சொந்த வீடுஆக, பொருளாதார நெருக்கடியின் காரணமாக வீட்டை விற்கலாம் என்று யோசிக்காமல், மேலே சொல்லியிருக்கும் விஷயங்களை ஃபாலோ செய்து அதை எளிதாக அடைக்க திட்டமிடலாமே!
