Youtube	Whatsapp Group	Facebook	Telegram
Click Here	Click Here	Click Here	Click Here

ஸ்ரீரங்கத்தில் ரூ.100 கோடி செலவில் அமைக்கப்பட்ட தேசிய சட்டப்பள்ளி முதல்வர் திறந்தார்:

திருச்சி மாவட்டம் ஸ்ரீரங்கத்தில் ரூ.100 கோடி செலவில் கட்டப்பட்டுள்ள தமிழ்நாடு தேசிய சட்டப் பள்ளியை வீடியோ கான்பரன்சிங் மூலம் முதல்வர் ஜெயலலிதா திறந்து வைத்தார். உயர் தரத்துடன் கூடிய சட்டக்கல்வி அளிப்பதற்காக திருச்சி மாவட்டம், ஸ்ரீரங்கம் தாலூகாவில் உள்ள நவலூர் குட்டப்பட்டுவில் தமிழ்நாடு தேசிய சட்டப்பள்ளி அமைக்கப்பட்டுள்ளது. 25 ஏக்கர் நிலப்பரப்பில் ரூ.100 கோடி செலவில் 4,55,658 சதுர அடியில் கட்டிடங்கள் கட்டப்பட்டுள்ளன.

இந்த தேசிய சட்டப்பள்ளியை முதல்வர் ஜெயலலிதா நேற்று தலைமை செயலகத்தில் வீடியோ கான்பரன்சிங் மூலம் திறந்து வைத்தார். விழாவுக்கு சென்னை உயர்நீதிமன்ற தலைமை நீதிபதி (பொறுப்பு) ராஜேஷ் குமார் அகர்வால் முன்னிலை வகித்தார். அப்போது, 12 மாணவ , மாணவிகளுக்கு உயர்நீதிமன்ற தலைமை நீதிபதி மற்றும் முதல்வர் ஜெயலலிதா ஆகியோர் சேர்க்கை அனுமதி ஆணை களையும் வழங்கினர்.

இந்த நிகழ்ச்சியில், சென்னை உயர்நீதிமன்ற நீதிபதிகள் எம்.ஜெய்சந்தி ரன், வி.தனபாலன், அமைச்சர்கள் கே.பி.முனுசாமி, பூனாட்சி, அரசு தலைமை கொறடா மனோகரன், தலைமை செயலாளர் ஷீலா பாலகிருஷ்ணன், அரசு தலைமை வழக்கறிஞர் சோமய்யாஜி, சட்டத்துறைச் செயலாளர் ஜெயச்சந்திரன் மற்றும் அரசு உயர் அதிகாரிகள் கலந்து கொண்டனர்.

மருத்துவக் கல்லூரி: திருவண்ணாமலையில் ரூ.73 கோடி செலவில் கட்டப்பட்ட அரசு மருத்துவ கல்லூரியை முதல்வர் ஜெயலலிதா நேற்று வீடியோ கான்பரன்சிங் மூலம் திறந்து வைத்தார். இந்த நிகழ்ச்சிகளில் அமைச்சர்கள் கே.வி.ராமலிங்கம், கே.சி.வீரமணி, முக்கூர் சுப்பிரமணியன், மக்கள் நல்வாழ்வு துறை செயலாளர் ராதாகிருஷ்ணன், பொதுப்பணித்துறை செயலாளர் சாய் குமார், மருத்துவ கல்வி இயக்குநர் வம்சதாரா உள்ளிட்டோர் கலந்து கொண்டனர். திருவண்ணாமலையில் புதிய மருத்துவ கல்லூரி துவங்கப்பட்டதையடுத்து தமிழகத்தில் உள்ள அரசு மருத்துவ கல்லூரிகளின் எண்ணிக்கை 19ஆக உயர்ந்துள்ளது.