எஸ்.எஸ்.எல்.சி. தமிழ் 2–வது தாளில் காப்பி அடித்ததாக 51 மாணவர்கள் பிடிபட்டனர்:

எஸ்.எஸ்.எல்.சி. தேர்வு கடந்த 19–ந்தேதி தமிழ்நாடு மற்றும் புதுச்சேரியில் தொடங்கியது. நேற்று தமிழ் 2–வதுதாள் தேர்வு நடைபெற்றது. இந்த தேர்வில் காப்பி அடித்ததாக 51 மாணவர்கள் பிடிபட்டுள்ளனர்.கடலூர் மாவட்டத்தில் 22 பேர்களும், விழுப்புரம் மாவட்டத்தில் 20 பேர்களும், திருவண்ணாமலை மாவட்டத்தில் 4 பேர்களும், ராமநாதபுரம் மாவட்டத்தில் 2 பேர்களும், வேலூர், மதுரை, திருச்சி ஆகிய மாவட்டங்களில் தலா ஒரு மாணவரும் பிடிபட்டனர்.இந்த தகவலை அரசு தேர்வுகள்இயக்குனர் கு.தேவராஜன் தெரிவித்தார்.