ஜெ.,வுக்கு பிடித்த 'சிங்கப்பூர் பங்களா'

மறைந்த முதல்வர் ஜெ., தேனி வரும் போது, தனக்கு மிகவும் பிடித்த, சிங்கப்பூர் பங்களாவில் தங்குவார்.
ராசியான பங்களா ஜெ., அரசியலில் நுழைந்த பின், முதன் முதலாக, தேனி மாவட்டம், போடி தொகுதியில், 1989ல் வெற்றி பெற்றார். அதன்பின், ஆண்டிபட்டி தொகுதியில், 2002, 2006ல் வெற்றி பெற்றார். பிரசாரத்தின் போது, 'இத்தொகுதியை அரசிபட்டி' ஆக்குவேன் என, வாக்குறுதி அளித்தார். அதன்படி, ஜெ., முதல்வர் ஆனதும், தொகுதியில், அரசு மருத்துவ கல்லுாரி மருத்துவமனை உட்பட பல்வேறு நலத்திட்டங்களை செயல்படுத்தினார். ஆண்டிபட்டி தொகுதியில் போட்டியிட்ட போது, தேனி என்.ஆர்.டி., நகரில், தொழிலதிபர் ராமானுஜம் என்பவருக்கு சொந்தமான, 'சிங்கப்பூர் பங்களா'வில் தங்கி பிரசாரம் செய்தார். இந்த பங்களாவை ஜெ., ராசியானதாக கருதுவார். எனவே, மாவட்டத்திற்கு ஜெ., வந்தபோதெல்லாம் பல முறை இங்கு தங்குவதை வாடிக்கையாக கொண்டிருந்தார்.

சோகத்தில் ஆண்டிபட்டி : கடந்த, 1984ல், எம்.ஜி.ஆர்., உடல்நலக் குறைவால் அமெரிக்காவில் சிகிச்சை பெற்றபோது, ஆண்டிபட்டி தொகுதிக்கு வராமலேயே, தேர்தலில் நின்று, வெற்றி பெற்றார். 1987ல், அவர் மறைந்த போது, இருந்ததை விட, இத்தொகுதி மக்கள் தற்போது அதிக சோகத்தில் உள்ளனர்.