தடய அறிவியல், தோட்டக்கலை பணி சான்றிதழ் சரிபார்ப்பு அறிவிப்பு:

சென்னை: டி.என்.பி.எஸ்.சி., செயலர், நந்தகுமார் வெளியிட்ட செய்திக்குறிப்பு:தடய அறிவியல் துறை ஆய்வக உதவியாளர் பதவியில் தேர்வு செய்யப்பட்டோருக்கு, வரும், 16ம் தேதியும்; உதவி தோட்டக்கலை அலுவலர் பதவிக்கு, அக்., 23ம் தேதியும், சான்றிதழ் சரிபார்ப்பு நேரடியாக நடத்தப்படுகிறது.

தேர்வு செய்யப்பட்டவர்கள், சென்னையில் உள்ள, டி.என்.பி.எஸ்.சி., தலைமை அலுவலகத்திற்கு, அசல் சான்றிதழ்களுடன் நேரடியாக வர வேண்டும்.இதற்கான அழைப்பாணை, தேர்வாணையத்தின் www.tnpsc.gov.in இணையதளத்தில் வெளியிடப்பட்டுள்ளது.ஏற்கனவே, அசல் சான்றிதழ்களை ஆன்லைனில் பதிவேற்றம் செய்ய அறிவிக்கப்பட்டிருந்தது. தற்போது, விண்ணப்பதாரர்களின் நலன் கருதி, நேரில் சான்றிதழ் சரிபார்ப்பு நடத்தப்படுகிறது.இவ்வாறு அதில் கூறப்பட்டுள்ளது.